古早台居

營業中

休息中

過去年幾上得大陸食嘢多，都有啲悶悶哋，加上今個星期六天氣好唔穩定，就不如留港消費。打算同老婆買啲日用品同睇戲，就近近地就去九龍灣行下。去德福行咗電器舖，啲價錢mark得幾貴，睇下算喇，去咗無印買咗啲日用品同夏季衫，行到有啲肚餓，咁啱樓上有好多食肆，趁套戲未開埸，一於去美食廣場揾嘢食。見間台灣嘢都有啲人排隊，我都行埋去八卦下，見人攞走嘅嘢食都幾靚，有食慾😋，自由就買咗份鹽酥雞滷肉飯加杯半價嘅紫薯鮮奶，幫老婆嗌咗個滷水雞髀肉燥飯同黑糖珍珠奶茶。起餐算快，見我前面都有十個八個人等，都唔晒十分鐘我都有得攞喎！肉燥真係好香，似足台北間出名嘅黑金滷肉飯店，口感豐富，齒頰留香。鹽酥雞好脆，入邊都有好香嘅肉汁，好食😋。老婆個雞髀肉燥飯都好正，滷得好入味，雞髀好滑，size都幾大隻，坻食👍兩杯飲品都大大杯，味道正常。四十分鐘食晒清底唔一定上深圳先有平靚正嘅好嘢食，香港都揾到嘅