影片
更多
2019-09-11
374 瀏覽
話說呢排係泰國返黎，但我同男朋友仲係對泰國既美食依依不捨。唯有今晚晚飯時間搵一間就近既泰國菜餐廳食下。經過上網一番搜尋，發現東涌就有一間唔錯既泰國菜餐廳，佢就係My Thai Bar啦！My Thai Bar呢間餐廳既位置易搵，黎到東涌海堤灣畔，一眼就可以見到，餐廳招牌都較顯眼。入到呢間餐廳入面，餐廳環境都十分舒適，裝潢非常有泰式風味同特色，特別係天花板上面兩個巨大既鐵葉花型風扇。不但有特色，仲唔會令你一邊汗流浹背咁食飯添！而且臨近中秋，餐廳都掛上一排燈籠，與泰式既裝潢放在一起，竟然冇一種突兀的感覺。反而有種兩種不同文化結合的感覺，令我係呢個國際之都入面感到欣慰。係我欣賞餐廳環境既同時，耳邊響起一陣陣悅耳既歐美歌曲，老板亦係呢個時候都為每枱添上一盞枱燈，氣氛更加濃厚。呢個時候，我將注意力放返到餐枱上面。餐枱上面擺放整齊一套餐具，餐具都十分乾淨。服務員遞上餐牌比我地，餐牌封面係由竹料製成，十分有泰國既味道，令我諗起係泰國街頭上各式各樣既竹製品。打開餐牌，餐牌簡潔易明，每頁都會在文字隔離配上食物圖片容易理解。我就叫左幾樣呢間餐廳既招牌菜。老板十分友善，會先問我同男朋友飲唔飲酒。咁因為我同男
My Thai Bar呢間餐廳既位置易搵，黎到東涌海堤灣畔，一眼就可以見到，餐廳招牌都較顯眼。
入到呢間餐廳入面，餐廳環境都十分舒適，裝潢非常有泰式風味同特色，特別係天花板上面兩個巨大既鐵葉花型風扇。不但有特色，仲唔會令你一邊汗流浹背咁食飯添！
而且臨近中秋，餐廳都掛上一排燈籠，與泰式既裝潢放在一起，竟然冇一種突兀的感覺。反而有種兩種不同文化結合的感覺，令我係呢個國際之都入面感到欣慰。
係我欣賞餐廳環境既同時，耳邊響起一陣陣悅耳既歐美歌曲，老板亦係呢個時候都為每枱添上一盞枱燈，氣氛更加濃厚。
呢個時候，我將注意力放返到餐枱上面。餐枱上面擺放整齊一套餐具，餐具都十分乾淨。
服務員遞上餐牌比我地，餐牌封面係由竹料製成，十分有泰國既味道，令我諗起係泰國街頭上各式各樣既竹製品。打開餐牌，餐牌簡潔易明，每頁都會在文字隔離配上食物圖片容易理解。
我就叫左幾樣呢間餐廳既招牌菜。老板十分友善，會先問我同男朋友飲唔飲酒。咁因為我同男朋友都唔係咁中意飲酒，所以就唔飲，老板推介左椰青比我地。
話咁快椰青就已經上左比我地啦，等我試試味先！嗯～味道夠晒清甜，而且裏面既椰青水都係滿既，非常好飲！
係呢個時候有位客人入左餐廳，客人怕大風，老板就幫呢位客人簡左個唔係太大風既座位，十分為客人設想呢。
我地叫左既野食都差唔多上菜啦，打頭陣既係頭盤生蝦刺生。刺生賣相非常好，鮮嫩蝦肉配獨特既醬汁，突出到蝦的鮮味。蝦上面都有一粒蒜頭同一小舊辣椒，可以去除左蝦既腥味。唔食辣既朋友，可以選擇唔要辣椒。
第二道菜係蒜蓉椰菜苗，對比泰國食到既椰菜苗，餐廳加左粟米芯同蘿蔔絲，味道偏清淡。較泰國健康，冇泰國炒出來苦，偏清爽，比較合適香港人既口味。
接住落黎既係青木瓜沙律，試左第一啖，已經食得出夠晒正宗，同泰國食到既冇分別。呢道菜有啲酸酸辣辣，十分開胃，但唔食辣既朋友就要注意一下啦！
主菜黎啦，係南瓜海鮮炒飯，炒飯放係南瓜入面，賣相夠晒特別。裏面海鮮都十分之多，味道鮮甜，較開胃。
最後甜品黎啦，一set裏面有三款糕點，包括左椰汁西米糕，椰汁大菜糕同埋班蘭葉糕。
椰汁大菜糕味道比較淡，另外兩款則較甜，大菜糕可以中和返個甜味。
中意食泰式地道食物既大家一定要黎呢間My Thai Bar！價錢雖然偏貴左少少，但係香港食到咁高質同地道既泰國菜都算合理。
老板同服務員非常親切！我地食飯途中，會黎問下你味道如何，接受客人既意見, 仲會同我地傾下計！最後我地都捧住個肚同老板講再見
張貼
