馬六

營業中

休息中

呢排想食馬來西亞野，當然去馬六啦，keep住有水準，今次見佢有二人套餐，天氣又有少少凍，就叫咗個肉骨茶二人套餐，都只係$168 ，包括肉骨茶，雞肉大蝦串燒，蝦湯娃娃菜，雞油香飯兩碗同兩杯飲品。飲品要左杯椰汁涼粉同埋一杯熱桔仔紅茶。最後仲加埋個新加坡鹹蛋黃魚皮。首先一定要但下一個新加坡鹹蛋黃魚皮，呢樣嘢係我第一次叫，但係真心應該係成個餐牌最好食嘅一樣嘢，超級鬆脆，加埋啲鹹蛋黃，真係會忍唔住不停咁食！另外都想稱讚一下，就係呢間嘅肉骨茶嘅蒜蓉會分開咁上，咁啱我朋友又係唔鍾意放蒜蓉入啲湯度，但係我又偏偏好鐘意好多蒜蓉，呢個餐廳咁嘅做法，就我哋兩個人都可以好好享受！