見見面 (琉璃街) (已結業)

約咗朋友喺天后食宵夜，咁啱有一間叫見見面嘅店梗係入去配合番個主題同朋友見見面啦！坐低點菜時候先發現，原來係手機點餐，仲可以揀走蔥、多蔥、小辣、多辣咁樣真係好方便呀！蔥油雞雞肉好嫩滑每一啖雞肉都有好香嘅蔥油味，雞胸唔嚡！有驚喜！酸辣土豆絲酸、辣配薯仔絲一齊炒，薯絲炒得好爽身，每一啖都好惹味。酸辣雲耳雲耳夠爽身又脆口，酸酸辣辣好開胃手拍青瓜夠曬正宗，睇個青瓜就知師傅真係用刀拍扁個青瓜去醃嘅，既保留咗青瓜本身嘅清甜又食到醬汁嘅酸辣。手撕包菜好似好普通嘅炒菜，但係一食落就知師傅廚藝高超，椰菜爽而清甜，帶小小辣。干鍋千頁豆腐呢個豆腐真係我嘅最愛，先講豆腐質地係彈牙嘅好似食緊魚蛋咁樣。另外佢用個小火爐興熱住咁樣拎出嚟，令到我哋可以食到一個熱辣辣香、噴噴嘅千頁豆腐干鍋，好貼心。紅糖糍粑糍粑佢首先炸得好脆口，熱辣辣咁樣，再蘸上好補身嘅紅糖，女士恩物呀！桂花冰粉一定要食桂花冰粉，佢冰粉唔係普通嘅冰粉，佢加入咗桂花，所以食落去嘅時候有淡淡嘅桂花香，加埋紅糖，有邊個女人可以抵擋呢份吸引？！