麻辣風雲 (京都廣場) (已結業)

又係時候召喚鍾意食川菜嘅朋友黎開餐啦 ，打卡必到嘅麻川菜風味，位於銅鑼灣C出口對面，相當易搵又方便。睇個名好架勢以為會超級辣，其實辣味只屬微辣，唔食得辣嘅朋友都handle到喔。荔枝蝦球 $108賣相滿分！上台有乾冰飄揚著白霧，勁有仙氣😆。雖係荔枝，實際上係蝦滑製成，趁熱食外嘅米通十分脆口，配埋荔枝醬真係超級加分位，食落酸甜又清新。炸饅頭 $58用船上枱，船頭有埋諸葛亮，記得相機要食先呀！炸饅頭 配上鍊奶，外皮脆脆的，內裡少少棉，沾上滿滿嘅鍊奶口感層次升華。香辣鴛鴦雞煲（田雞＋滑雞） $148一次過滿足曬兩個願望！田雞同滑雞一次過享用曬。雞肉同田雞入味非常，醬汁夠濃夠惹味，微微嘅甜辣加上花椒八角香，唔錯！如果田雞份量可以多啲就更佳。乾煸四季豆 $88肉碎同四季豆就是perfect match,四季豆解嫩又唔會過咸，香港食過頭幾位好味🤤，送飯一流，好出色！涼拌雞絲粉皮 $68夏日消暑小菜醒胃麻醬雞絲粉皮，份量較少，味道不過不失。#麻辣風雲 @spicy_restaurant_hk 銅鑼灣京都廣場5樓