The Mast’ of Mozzarella & Co. (已結業)

呢間食意大利小店係家庭式運作，老闆以至店員都係意大利人，嘢食真係唔錯，而且老闆會親自推介菜式，非常熱情！可惜地理位置喺禮頓道，比較偏遠，所以比較少人。呢度嘅水牛芝士係自家製！而門口有一個雪櫃放滿芝士，鍾意食芝士嘅人見到一定好開心。頭盤係老闆推介嘅risotto球，非常之好食，多謝老闆真心推介！對於鍾意食芝士嘅人，呢度完全係芝士天堂！由頭盤，主菜，至甜品都一律芝士。非常之推介意大利pinse配mozzarella，有成粒水牛芝士係上面，非常吸引，非常推介。不過甜品就比較遜色啦，試咗心太軟同開心果護士，但係兩個都係外國人口味，亞洲人會覺得太甜。