影片
更多
2010-09-24
5 瀏覽
又有一間日本開過嚟香港嘅食店，今次係CoCo壹番屋，我哋今日Lunch就去咗試吓，平日Lunch時間好多人排晒長籠，今日係星期六而且時間尚早(1210hrs)，我哋唔洗等位兼且有個卡位。呢間餐廳鋪位唔算大，但座位編排就比較疏落，唔似香港一般嘅餐廳坐得好迫。入到去服務員好多，而且都好有禮貌，但落單時就較生手，可能仲係新開，希望有待改善。食物喺落Order後好快就送到，非常有效率~~~今餐Order嘅食物：吉列豬扒奄列咖喱飯 (Pork Cutlet Omelet Curry) ($70) - 吉列豬扒炸得非常鬆脆可口，唔似一般炸粉豬扒，食到最尾仍然無油膩嘅感覺；奄列非常香滑；日本咖喱唔太辣，份量足；飯份量亦夠，足以撈咖喱食，熱烈推介之選~~~焗鮮蝦咖喱飯 (Shrimp Curry Rice Gratin) ($70) – 一上枱俾我哋嘅感覺係太細碟，但水準不俗，蝦唔會太乾身，咖喱都好香，但相比前者就比下去，但整體其實都很好吃~~~餐湯：日式蔬菜湯，味道清淡唔太濃，一般~~~餐飲：凍咖啡及凍檸茶 – 呢個就唔係咁得，最差係凍飲嘅糖膠，唔可以完全溶解，盼改善~~~甜品：曲奇及士多啤梨雪糕，
今餐Order嘅食物：
吉列豬扒奄列咖喱飯 (Pork Cutlet Omelet Curry) ($70) - 吉列豬扒炸得非常鬆脆可口，唔似一般炸粉豬扒，食到最尾仍然無油膩嘅感覺；奄列非常香滑；日本咖喱唔太辣，份量足；飯份量亦夠，足以撈咖喱食，熱烈推介之選~~~
焗鮮蝦咖喱飯 (Shrimp Curry Rice Gratin) ($70) – 一上枱俾我哋嘅感覺係太細碟，但水準不俗，蝦唔會太乾身，咖喱都好香，但相比前者就比下去，但整體其實都很好吃~~~
餐湯：日式蔬菜湯，味道清淡唔太濃，一般~~~
餐飲：凍咖啡及凍檸茶 – 呢個就唔係咁得，最差係凍飲嘅糖膠，唔可以完全溶解，盼改善~~~
甜品：曲奇及士多啤梨雪糕，一般中上水準，味道唔錯~~~
CoCo壹番屋嘅日本咖喱啲確唔錯，真係有喺日本食嘅水準。加咗餐湯、餐飲、甜品同加一服務費，今餐共$192.5，係有小小貴，不過呢餐令我好滿足，一定有下次。
張貼
