同心泰國菜館 (已結業)

九龍城真係有好多泰國餐廳，唔知揀邊間既情況之下，今次就去同心試一試！睇左陣MENU就叫左一個泰式鴨河同埋一個海南雞飯，另外加多兩杯青檸梳打。好快就得食,首先係個泰式鴨河,湯底好深色，而且真係好濃味,仲有少少辣，好特別既湯底,出面食唔到。另外佢個鴨肉，好好食,仲要無骨,都應該算係新鮮，肉質而且夠哂嫩滑,之後就係一個海南雞飯,份量十足，不過雞肉就唔夠肥，油飯就做得好好，唔太多油,適中！醬汁就控制得好好，係依個飯既靈魂。如果你鍾意酸，最後依杯青檸梳打就一定要叫，因為佢好香青檸味，非常清新又解渴,食完依D野飲岩哂。唔錯既一餐。