莆田 (已結業)

今日同爸爸去行街，途經有間食褔建菜都係爸爸最愛就入去食，裝潢吾錯坐得十分舒服，茶都有不同選擇，最後飲菊花茶。來到時見到差不多每桌都有九轉小腸當然都叫一碟來試試。來到時見到有火在下面燒住可以保持溫度，食落去表面少少爽口而入面充滿小腸口感又軟熟，原來以九摺式方面來整成，而且竟然吾會覺得好肥同油的感覺，的確吾錯。百秒黃花魚，也是爸爸最愛的魚，以高湯浸住，魚身好香甜而肉質夠滑，不會感覺腥味，好原汁原味。傳統扁肉湯，黎到一小粒一小粒十分可愛，湯飲落去都幾清帶點醋香，肉口感吾錯而皮都好味，份量都不少。興化米粉，米粉都係我最愛，沒想到咁幼身而且仲保持到口感，配料都不少，食落去仲有少少米香添。