影片
更多
2022-03-20
429 瀏覽
👍🏻月橋三寶撈檬(包嘢飲) $58香茅豬扒好入味，肥瘦適中，一啲都唔乾柴而且豬肉味好香，好好食😛雞翼一樣好入味，香茅味比起豬扒更突出炸到脆卜卜好香口，但肉質又唔會太乾身扎肉好厚切，口感結實得嚟帶點彈牙，有啲似實淨啲嘅魚片🤣調味剛好，亦唔會有奇怪豬味檬粉份量好多，口感爽彈唔會太腍/糊，加埋撈檬汁一流呢個價包埋嘢飲，越式特飲都係加$8，抵食😎！味道：8/10性價比：9/10-👍🏻招牌火車頭湯河(包嘢飲) $58牛骨湯底用新鮮香茅熬製，清清地唔會太鹹太濃味飲晒都唔頸渴，好好飲😋牛腩偏肥，唔乾身唔鞋口，連住脂肪牛味好濃牛展當日轉左扎肉，浸左落湯就軟腍啲牛丸唔係爆汁個隻，但都有牛味，咬落唔會太死實肥牛生上，唔會浸到過熟，味道正常河粉滑溜幼身，份量好多好大碗味道：8/10性價比：9/10-👍🏻越式炸蝦餅 $45大大塊好厚切，口感彈牙唔粉團咬落啖啖蝦肉，真材實料😜新鮮炸起又唔會油立立調味唔會太鹹，會食到蝦嘅鮮味，點唔點醬都好食👍🏻味道：9/10性價比：8/10-👍🏻越式炸春卷 $28春卷係即場人手新鮮包，熱辣辣即叫即炸皮薄超脆口😳！好似酥皮咁一層層脆到一咬直情灑到成枱都係碎😂內餡係木耳絲、紅蘿蔔絲同
香茅豬扒好入味，肥瘦適中，一啲都唔乾柴
而且豬肉味好香，好好食😛
雞翼一樣好入味，香茅味比起豬扒更突出
炸到脆卜卜好香口，但肉質又唔會太乾身
扎肉好厚切，口感結實得嚟帶點彈牙，有啲似實淨啲嘅魚片🤣
調味剛好，亦唔會有奇怪豬味
檬粉份量好多，口感爽彈唔會太腍/糊，加埋撈檬汁一流
呢個價包埋嘢飲，越式特飲都係加$8，抵食😎！
味道：8/10
性價比：9/10
-
👍🏻招牌火車頭湯河(包嘢飲) $58
牛骨湯底用新鮮香茅熬製，清清地唔會太鹹太濃味
飲晒都唔頸渴，好好飲😋
牛腩偏肥，唔乾身唔鞋口，連住脂肪牛味好濃
牛展當日轉左扎肉，浸左落湯就軟腍啲
牛丸唔係爆汁個隻，但都有牛味，咬落唔會太死實
肥牛生上，唔會浸到過熟，味道正常
河粉滑溜幼身，份量好多好大碗
味道：8/10
性價比：9/10
-
👍🏻越式炸蝦餅 $45
大大塊好厚切，口感彈牙唔粉團
咬落啖啖蝦肉，真材實料😜
新鮮炸起又唔會油立立
調味唔會太鹹，會食到蝦嘅鮮味，點唔點醬都好食👍🏻
味道：9/10
性價比：8/10
-
👍🏻越式炸春卷 $28
春卷係即場人手新鮮包，熱辣辣即叫即炸
皮薄超脆口😳！好似酥皮咁一層層
脆到一咬直情灑到成枱都係碎😂
內餡係木耳絲、紅蘿蔔絲同粉絲，好爽口
調味唔會太重，配撈檬汁酸酸甜甜，中和油膩感
味道：9/10
性價比：9/10
-
👍🏻青木瓜沙律 $38
好大份成座山咁🤣
青木瓜絲混左扎肉條、紅蘿蔔絲、花生、炸蒜同金不換
凍食但無雪味，好新鮮
調味比較簡單清新，唔鹹唔辣，主要係青木瓜本身嘅味道
因為混左唔少金不換，食落好易咬到
後勁會有啲蒜味，加上撈左撈檬汁，少少酸辣幾開胃
味道：8/10
性價比：9/10
-
老闆同員工都係越南人，地道正宗
老闆娘好Nice好有禮貌，當日見到鋪頭都好多熟客幫襯，好有人情味
雖然地方淺窄唔算坐得好舒服，但反而有種去咗越南嘅感覺😆
-
📍#月橋正宗越南湯粉
太子界限街39號地舖
#hkfoodie #foodiehk #hkfood #foodhk #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #深水埗 #深水埗美食 #深水埗好去處 #太子 #太子美食 #太子好去處 #深水埗小店 #太子小店 #月橋
張貼
