炭家 (已結業)

係中環收工，朋友好想食日本野，就睇下附近有咩食，見到呢間環境唔錯就試下🥳✨叫左燒牛舌試下，一嚟到已經勁香，仲要係厚度岩岩好，口感一流🫡再嚟叫左炭燒A4和牛和牛入口已經即溶，油脂香味再加炭香，完全係有日本食到的感覺，值得一試。雞肉棒既汁，好惹味，配合埋好嫩滑嘅雞肉。最後一個小食就係鏝魚厚燒玉子，蛋味濃郁同鏝魚好夾❤️‍🔥🙆🏻‍♀️之後叫左個沙律，係柚子醋針，食完之後好清新，清下個口，再食今晚的主角😆今晚等左好耐的重頭戲主角，鰻魚重蒲燒，一直都好鍾意燒鰻魚，但係好難搵到一間好食，炭家燒得真係唔錯，鰻魚唔會好淋，而家好大條，唔會燒完就縮水，外層燒得脆，香😛✨味道唔會死甜個醬仲調到魚的味道，我同朋友都食到想再叫埋白燒。其他跟餐嘅茶碗蒸，同埋好特別的鰻魚凍都好有驚喜，係水準之上😆👍🏻下次都會再同朋友嚟食，嚟開中環附近值得一試🥳❤️‍🔥