雲南啊老表黑山羊湯鍋米綫 (觀塘工業中心) (已搬遷) 新店位置

以前去過雲南，當地真係比較多人食羊肉。 喺香港，我都好少見到咁正宗嘅雲南米線。餐廳裝潢都好簡約，主打米線，只有清湯及酸辣湯底。牛羊雙拼細鍋米線（$43）我揀咗牛羊雙拼，想試吓兩款嘅特別！ 牛係用上腩肉，而且有脂肪，所以食落牛肉味香，肉質軟腍。 至於重點羊肉相對脂肪少，係切成薄片，有香濃羊肉味，但唔太膻，好易入口，肉質細嫩。清湯都係滿有羊肉香，味道唔會太鹹太油。每張枱都放有自家製菜圃， 十分惹味，一定要試！涼拌川北豆腐（$12）這款小食好適合喺熱辣辣🔥嘅夏天食！ 豆腐嫩滑又清涼，配上醬汁及蔥花 😋好爽！