蘇媽.蘇媽馬來西亞茶餐室 (已結業)

今日去銅鑼灣謝奜道蘇媽蘇媽馬來西亞茶餐室食午餐， 餐廳裝修得好有馬拉特色。 好在早5分鐘到， 因為遲左就要等位了。餐廳有好多款肉骨茶選擇， 但今日都係食午飯套餐， 下次再返黎食。是日午餐檳城福建蝦麵仁噹牛肉撈麵椰香咖央多士湯咖喱豆卜檳城福建蝦麵， 好香好濃的蝦湯味， 鮮蝦新鮮彈牙。仁噹牛肉撈麵， 第一次食呢款撈麵， 估唔到喜出望外。 撈麵的醬汁有d似咖喱味， 非常惹味， 醬汁濃到剛剛好， 有掛麵feel。 牛肉煮得好軟好滑， 肉質相當嫩滑。椰香咖央多士， 店員一送到就提醒我地要快d食。 原因好簡單， 冰震牛油加又熱又脆的咖央多士， 食出冰火味道， 正。湯咖喱豆卜， 咖喱湯味道入哂去豆卜裡面， 咬一口都已經飲到成口湯咖喱