Griddy's Waffles & Cocktails (已結業)

Weekend 最好就係搵間悠閒feel既餐廳，食個靚brunch然後番屋企訓覺。新開既Griddy主打食waffle, lunch meal 豐儉由人, 加$48有 salad 同 dessert抵食到爆。餐廳空間感好寬敞，望住出面藍天白雲，心情都非常開朗。 前菜沙律用咗柚子醬同醋做Dressing, 味道好清新開胃，下次屋企整沙律都落柚子醬先。Carbonara用左扁意粉，質地係我最中意既彈牙唔太硬唔太淋，麵身掛滿濃厚既忌廉醬，間唔中有條煙肉走出嚟。當想食口感豐滿既野，carbonara 係不二之選。甜品緊係揀餐廳主打既 Waffle, 用左珍珠糖製作既liege waffle 密度高啲，雖然比平時食既細塊，但絕對係剛剛好，口感比較 doughy ，有點介乎麵包同蛋糕中間，朋友話咁先正宗，香蕉上有脆脆焦糖，配上酸甜既berry雪糕平衡番waffle既甜味。本身以為咖啡應該普普通通，但絕對有驚喜，nutty 咖啡加上綿密奶泡很香很順滑。呢度簡直係為唔使番工既weekend畫龍點睛, 順帶一提服務態度好好，主動俾黑椒同鹽，又會問啲野岩唔岩食。@griddys.hk#test_tko_