南記粉麵 (已結業)

環境3分：人多時座位就比較迫，但都可以接受，因為快食快走，所以有三分。 衛生3分：整體嚟講都算乾淨，都可以卑三分。服務3分：自己排隊買飛，自己排隊攞嘢食，自己搵位。正常快餐店即冇服務，所以有三分。 味道3分：牛丸最好食，彈牙有牛味。魚蛋都算彈牙但就冇乜味。條春卷比較特別，軟軟地都幾好味，合共有三分。 抵食3分：27蚊嚟講有碗麵食都算ok，但食完之後真係有少少口渴，所以只有三分。