程班長台灣美食 (已結業)

自從男友人帶我去一次之後便愛上，由於我住同返工都比較遠，而且程班長星期日休息，所以每星期只能禮拜六黎到。每次我一定一定點滷肉飯，入口即溶的味道⋯好幸福呀⋯第二必點紅燒牛肉麵（半腩半筋），特別喜歡佢d麵條有彈牙的口感，湯底亦唔錯，牛肉都好入味。最後我會食麻油雞麵線，對女士非常有益既食物，食完好暖，寒底必食。不過個人感覺雞既肉質較老，我會比較鍾意食嫩d。但湯底同麵真係好正，食完我會飲晒佢既湯。另外都可以試下佢個蚵仔煎同卷餅，好香好食！