影片
更多
2024-12-06
514 瀏覽
灣仔有唔少古色古香嘅建築物，奇華茶室就位於利東街隔離，其中一棟三級歷史建築物🧱上面。樓下係餅家，樓上係茶室🫖，供應經典港式茶餐廳美食，將騎樓位置都改變成餐廳，完美將建築物活化！今年茶室推出聖誕套餐，中西式融合，可以喺懷舊味道濃郁嘅騎樓嘆個西餐，有種時光倒流⏳嘅錯覺，另有一番風味！-——————————————🎅◖繽紛聖誕晚餐◗ $328 p.p.人均$400唔使已經嘆到好豐富嘅聖誕套餐，包咗餐湯、前菜、主食、甜品同飲品，出品亦有保證！— ᴀᴘᴘɪᴛɪᴢᴇʀ —（頭盤每人二選一）🥖/香煎匈牙利鵝肝多士鵝肝超大片，一口落去入口即溶，上面都放咗啲酸酸甜甜嘅無花果同蕃茄，食完都唔會覺得好膩～🦀/脆炸芝士釀雜菌蟹蓋蟹蓋炸得超脆，裏面釀咗啲芝士撈雜菌，而且仲夾雜絲絲蟹肉，食落超足料！— ꜱᴏᴜᴘ —🦞/法式龍蝦湯龍蝦湯加咗少少忌廉，質感幼滑濃稠，飲落去超鮮甜！— ᴍᴀɪɴ ᴄᴏᴜʀꜱᴇ —（主菜每人二選一）🐖/山椒燒汁戰斧豬扒戰斧豬扒連骨大大塊，外層煎至焦香，肉質軟腍鎖住豐富嘅肉汁，點上山椒燒汁一齊食，更惹味！🐟/白味噌香煎比目魚比目魚嫩滑鮮甜，好豐富嘅魚油香，白味噌煎過焦香味更濃，配creamy
-——————————————
🎅◖繽紛聖誕晚餐◗ $328 p.p.
人均$400唔使已經嘆到好豐富嘅聖誕套餐，包咗餐湯、前菜、主食、甜品同飲品，出品亦有保證！
— ᴀᴘᴘɪᴛɪᴢᴇʀ —
（頭盤每人二選一）
🥖/香煎匈牙利鵝肝多士
鵝肝超大片，一口落去入口即溶，上面都放咗啲酸酸甜甜嘅無花果同蕃茄，食完都唔會覺得好膩～
🦀/脆炸芝士釀雜菌蟹蓋
蟹蓋炸得超脆，裏面釀咗啲芝士撈雜菌，而且仲夾雜絲絲蟹肉，食落超足料！
— ꜱᴏᴜᴘ —
🦞/法式龍蝦湯
龍蝦湯加咗少少忌廉，質感幼滑濃稠，飲落去超鮮甜！
— ᴍᴀɪɴ ᴄᴏᴜʀꜱᴇ —
（主菜每人二選一）
🐖/山椒燒汁戰斧豬扒
戰斧豬扒連骨大大塊，外層煎至焦香，肉質軟腍鎖住豐富嘅肉汁，點上山椒燒汁一齊食，更惹味！
🐟/白味噌香煎比目魚
比目魚嫩滑鮮甜，好豐富嘅魚油香，白味噌煎過焦香味更濃，配creamy充滿奶香嘅雜菌燴珍珠米，口感一流！
— ᴅᴇꜱꜱᴇʀᴛ —
🍮/自家製港式奶茶意式雪糕
奶茶意式雪糕成嚿金磚咁，質感偏硬，食落有少少沙冰嘅感覺，奶茶味夠香滑亦都唔會太甜，伴上無花果同奇華嘅黑白芝麻脆片，呢個甜品作結夠晒滿足！
— ᴅʀɪɴᴋ —
🍊/蜂蜜水果茶
主要係蘋果同橙片，配上蜂蜜水，香甜帶果香同輕微酸味，幾refreshing
🍎/薑蜜蘋果龍井
放咗少許薑片同蜜糖，浸泡住蘋果片嘅龍井茶，飲落有蘋果香同薑味，特別有冬日嘅感覺☃️
🌟 Encore指數：8.5/10
🎄聖誕套餐晚市供應時段：1/12/2024-
5/01/2025
聖誕套餐全日供應時段：24/12/2024-
26/12/2024 & 1/1/2025🎄
張貼
