Cyprium Cafe

營業中

休息中

先講味道份量都算唔錯，係鹽燒牛舌唔點 honey mustard就無乜味，完全唔覺有鹽，不過好軟身唔怕太難咬。問題就在於呢間餐廳係只有電子點餐，仲要佢電腦出錯。平日 lunch set另加正價咖啡可享半價優惠。正價dirty coffee $36 半價理應為18。但 lunch set加配 dirty盛惠收取$19。同行朋友的 另一lunch set另一款咖啡同樣問題收多一蚊。下單前告知店員此問題，店員查詢後話係落單系統出錯，淨係叫我現時照下單，咁就一心以為佢會埋單時處理錯誤啦。點知埋單時再問佢有無扣返佢先話係電腦出單無得改，一定要照比佢收多兩蚊。佢話宜家埋單時改唔到單處理唔到，只係會通知電子點餐系統嘅公司改返，被踢爆都完全無諗過要點賠償或退款。我自己就幾個月先食一次呢間餐廳，所以我唔知佢系統係幾時開始出錯，一路以嚟收多左客人幾多錢。大家食飯自己小心睇下張單。