影片
更多
2013-07-08
257 瀏覽
首先要澄清一吓... 自從OpenRice版面變更後，每次喺寫食評時都要小心d，特別係加入喊笑面時，因為d喊笑面好容易走位，正因為呢個原因，一個"嬲面"就無啦啦喺我上次寫比名點嘅食評開頭度，好似一開始就要彈佢嘅食物咁？！真係真係唔好意思啦！！基本上，名點嘅點心大部份都好正，只不過喺第一次買時等得太耐，或者當日廚房太忙呱？！如果唔係，我之後都唔會再幫襯咗幾次啦！而且佢嘅水準都保持到添！最近名點仲有網購半價，真係好抵，於是一見到就買咗多張慢慢嘆！我哋依家已好醒目，會預先電話落單後取點心，加上佢哋出點心時間真係快咗好多，所以食得好開心呀\^o^/ !!今日又用半價Groupon買名點。1. 咸水角：每次都keep住水準，大大件，外皮煙煙韌韌，餡又足料，正！2. 春風得意腸：必定encore ，腸粉包住油炸鬼、肉鬆，蘿白絲，好好味！3. 煎蘿白糕：大大件又足料，好味抵食！4. 蜂巢芋角酥：每次必選點心，外皮非常鬆脆，餡料好正，又係夠大件，師傅必記一功！正正正！5. 鮮蝦菜苗餃：第一次食，每件有一隻好爽嘅大蝦，但菜苗應該係小唐菜，有d失望，味道淡如無味，而且餃皮較厚及濕，一夾就黐到爛哂！6.
自從OpenRice版面變更後，每次喺寫食評時都要小心d，特別係加入喊笑面時，因為d喊笑面好容易走位，正因為呢個原因，一個"嬲面"就無啦啦喺我上次寫比名點嘅食評開頭度，好似一開始就要彈佢嘅食物咁？！真係真係唔好意思啦！！
基本上，名點嘅點心大部份都好正，只不過喺第一次買時等得太耐，或者當日廚房太忙呱？！
如果唔係，我之後都唔會再幫襯咗幾次啦！而且佢嘅水準都保持到添！
最近名點仲有網購半價，真係好抵，於是一見到就買咗多張慢慢嘆！
我哋依家已好醒目，會預先電話落單後取點心，加上佢哋出點心時間真係快咗好多，所以食得好開心呀\^o^/ !!
今日又用半價Groupon買名點。
1. 咸水角：每次都keep住水準，大大件，外皮煙煙韌韌，餡又足料，正！2. 春風得意腸：必定encore ，腸粉包住油炸鬼、肉鬆，蘿白絲，好好味！
3. 煎蘿白糕：大大件又足料，好味抵食！
4. 蜂巢芋角酥：每次必選點心，外皮非常鬆脆，餡料好正，又係夠大件，師傅必記一功！正正正！
5. 鮮蝦菜苗餃：第一次食，每件有一隻好爽嘅大蝦，但菜苗應該係小唐菜，有d失望，味道淡如無味，而且餃皮較厚及濕，一夾就黐到爛哂！
6. 燒賣：又係不二之選點心，賣相好靚，除咗上面有隻大蝦外，餡入面都有隻大蝦同少量豬肉，好甜好爽口，超正！
7.鳳爪排骨飯：飯蒸得好乾身，但又唔會太硬，排骨用瘦個種，唔會蒸到油淋淋，最鍾意佢有兩件鳳爪，同佢隻豉油仲好好味呀！其實食咗幾次，都試過名點嘅點心七七八八，真係比起一般酒樓嘅水準高好多。
張貼
