番本日式放題 (已結業)

放工同寶貝仔出去揀聖誕禮物，諗起好耐無去番本食放題，之前d野食真心覺得唔錯！所以就book位去食啦！價錢算普通價位！刺身：帶子同榮螺阿仔話好食，甜蝦，三文魚無咩驚喜！象拔蚌感覺唔係好鮮味！一人加十蚊有得任食生蠔，呢款生蠔完全唔係我杯茶，極鐘意食生蠔既我都只食到6隻！蘿蔔蓉味同生蠔一d都唔match!感覺仲有d嘔心！人參雞湯好真材實料！超好飲！雞軟骨香脆爽口蒸氣鍋材料可以接受，蜆size較細，而味道算鮮！蝦一般，有少少係霉霉地！龍脷柳肉質滑帶少少咸味，不錯！扇貝一般！蒸氣蓋設計有問題⋯⋯細到要掂住d食物先蓋到！感覺不太衛生！總括黎講，食物比之前差左d，最大問題係.....由零晨五點開始肚痾下次要諗諗會唔會再黎呢度了