影片
更多
2009-12-30
27 瀏覽
昨天晚上同bb2人, 去呢間沙嗲王食飯, 之前去荃灣呀, 銅鑼灣同旺角都唔錯, 諗住呢間都ok la, 點知...每間出品都唔同水準.昨晚2人大約7:45到達, 門口好多人等緊位, 因為2人關係, 都只係等咗一陣, 算快. 安排咗我地坐樓上梳化位. 一坐低, 即刻有侍應哥哥放低水比我飲, 睇咗陣就"禁" 點菜掣叫人落order. 個四眼侍應哥哥用急腳步行埋嚟, 用高八度聲線, 仲要係放大喉嚨果隻講嘢, 我地每叫一樣餸, 佢就大聲話..."哦, 好呀, 都好呀", 前後加埋都講咗成10次, 幾搞嘢.龍蝦湯 : 味道ok, 但犯咗最大致命傷....唔熱, 暖暖地, not good !白咖喱豬扒飯 (套餐) : 一如以往水準, ok !脆蝦棒 (半份, 跟餐) : 熱辣辣炸出嚟, 但唔夠咸, just ok !珍珠奶茶 (跟餐 ) : 麻麻地, 飲到陣奶粉沖既味, 但跟餐, 就無咩要求.芒果布甸 (跟餐 ): 食到啫喱粉味, 但唔好味果隻, 食咗一啖, 放棄 !沙嗲牛肉粉絲 : 沙嗲唔夠濃, 粉絲未開得晒, 牛肉係打邊爐既肥牛, 過肥....唔得 !泰式酸辣鳳爪 : 又唔酸又唔辣, 似白恰
昨晚2人大約7:45到達, 門口好多人等緊位, 因為2人關係, 都只係等咗一陣, 算快. 安排咗我地坐樓上梳化位. 一坐低, 即刻有侍應哥哥放低水比我飲, 睇咗陣就"禁" 點菜掣叫人落order. 個四眼侍應哥哥用急腳步行埋嚟, 用高八度聲線, 仲要係放大喉嚨果隻講嘢, 我地每叫一樣餸, 佢就大聲話..."哦, 好呀, 都好呀", 前後加埋都講咗成10次, 幾搞嘢.
龍蝦湯 : 味道ok, 但犯咗最大致命傷....唔熱, 暖暖地, not good !
白咖喱豬扒飯 (套餐) : 一如以往水準, ok !
脆蝦棒 (半份, 跟餐) : 熱辣辣炸出嚟, 但唔夠咸, just ok !
珍珠奶茶 (跟餐 ) : 麻麻地, 飲到陣奶粉沖既味, 但跟餐, 就無咩要求.
芒果布甸 (跟餐 ): 食到啫喱粉味, 但唔好味果隻, 食咗一啖, 放棄 !
沙嗲牛肉粉絲 : 沙嗲唔夠濃, 粉絲未開得晒, 牛肉係打邊爐既肥牛, 過肥....唔得 !
泰式酸辣鳳爪 : 又唔酸又唔辣, 似白恰咁, 唔知想點, 唔得!
蒜容牛油雞翼 (半份) : 呢個都係熱辣辣炸出嚟, 但又係唔夠味, 但勝在夠熱, just ok !
整體係唔合格, 沙嗲理應係味道較濃, 但呢間分店做唔到, 嘢食唔夠熱, 仲有, 琴晚間餐廳好焗, 唔夠空氣流通, 食完嘢落返街, 成個面紅晒. 但位置係尖沙咀鬧市同埋一個幾平既價錢, 所以就唔可以太高既要求囉. 不過, 如果我下次係附近, 我唔會再嚟, 我會選擇轉彎樂道間BIG JOHN, 起碼人地有心思, 有誠意啲先啦!
2人合共$156.2 (連加一)
張貼