九頭鳥米線

營業中

休息中

今日係藍田九頭鳥開張以黎，我第一次食。平時一直都係食開三哥或譚仔或南記米線，而且見到呢間之前有唔少負評，所以唔想試伏，但試完一次後又覺得唔差。湯底：之前有食評話湯底好鹹，我今日試完覺得唔會，當然有可能辣味遮蓋咗。辣度：我叫麻辣5小辣，辣度比三哥或譚仔上一級，大概就係三哥既3小辣。份量：有食評表示米線份量好少，但出乎意料，米線份量比三哥或南記多，如下圖。配料：我只叫魚肉春卷一餸，一餸有5條，份量足。而且同南記魚肉春卷不同，南記的是腐皮卷包魚肉，雖然硬硬地但唔似即炸。但九頭鳥魚肉春卷似即炸，外皮脆脆地，但魚肉我認為南記好味啲。總體黎講，呢間野開張初期真係唔掂，但宜家好明顯有顯住改善。