一風堂 (德福廣場) (已結業)

一風堂曾經風靡一時，剛進駐香港我都有去尖沙咀店一試，員工士氣好，出品又好，湯底令人回味。當德福一風堂新開張時，我都再一次支持一下，當時嘅新店好，記得個度等左成半粒鐘先有位，一坐低待應嘅歡迎語好整齊好有士氣咁大叫出黎。今次再去，唔洗等位，心諗：「咁好彩？」，再加上待應好hea 咁講左句「易喱謝咩嗲」，噢，當時嘅士氣去哂邊呀！其實我都有十個月無幫襯過一風堂，個menu 加左唔少野，原來有飯食喎！我見唔係好餓，決定試「新」野，而閒人先生都試新拉麵。我嘅係叫香煎义燒漢堡溫泉蛋飯，點解揀左喱個大伏，全因menu 度博多個印囉⋯😖個樣同menu 印嘅差不多，但好細碗，我一個唔餓嘅人食完都只係剛剛飽，男仔一定唔夠。溫泉蛋又唔係特別重蛋味，我將蛋撈飯咁食，以為我飯有少少水，點知無，係白飯黎⋯⋯我加豉油先叫有啲味。塊漢堡，唔夠熱，肉好散，無乜肉味又無汁，重要唔知點解好重薑味蔥味，閒人先生唔太喜歡。因為溫泉蛋唔係熱，飯又係暖嘅，撈左蛋凍左，成碗飯都凍凍地，感覺唔太好囉閒人先生點左雞湯豬骨拉麵，我試下湯，聞有雞味但飲落係豬骨味⋯油花多，而我鍾愛嘅日本蔥都唔知點解同本地街市蔥嘅味差不多，係用左另一隻蔥？閒人先