隠家拉麵工場 (已結業)

之前睇過食評話呢間好食，咁啱老婆要去深の都修甲，所以決定試下好多人話呢間嘢好隱閉，其實只要響蘋果商場門口見到巷尾有塊啡色嘅竹簾，咪就係呢間麵店中午時間，時間尚早，唔駛等位，入到去好有大排檔feel，款色只有4款：隠世白伝(豬骨湯)、隠世赤伝(蕃茄湯)、隠世黑伝(黑蒜油豬骨湯)、咖哩拉麵，我點了隠世黑伝+筍，老婆點了隠世赤伝我嗰碗隠世黑伝味道一般，冇乜特別，可能我期待黑蒜油會有一陣濃烈嘅蒜頭味掛，要加炸蒜頭先至有返D蒜味，而且湯底亦冇其他食家講咁咸咁濃烈，嗰D湯我都飲得落。至於老婆嗰碗隠世赤伝對我嚟講反而有驚喜，因為加咗D辣味，呢D辣味恰到好處之餘仲完全帶出蕃茄嘅鮮甜味，湯底仲有粒粒新鮮蕃茄肉，講真我自己唔食辣，而且對蕃茄系食品冇咩好感(但不至於討厭)，但呢碗隠世赤伝真係堅‧超好味總結：呢間拉麵可以一試再試