影片
更多
2019-08-11
1880 瀏覽
呢日同屋企人去咗將軍澳行街，時間啱啱好要食嘢，又見到莆田有做下午茶，所以就入去試下。果陣3點鐘左右🕒，餐廳已經無乜人，我哋都拿拿臨落單，下午茶主要分兩種$49同$59，分別係啲點心同小菜唔同，而主食嘅選擇同指定糖水係一樣的。我哋三個人叫咗兩Set $49同一Set $59，叫啲唔同嘢食乜都試下。三Set點心同小食好快就上菜，一個木盤盛有三個小碗，造型係幾精美嘅✨，但基本上六款點心/小食，無一款係好食嘅(真係一款都無)，四款點心要咗杞子白米糕、莆田糯米丸、酥香黃金磚同酥炸莆田扁肉，頭兩款應該係甜嘅❓，但個白米糕根本唔係糕而係一個又凍又乾又細個又扁又完全無味嘅包😑，而糯米丸就係兩粒炸芝麻湯圓配啲花生碎，亦同好味拉唔上關係。至於後兩款酥炸乜乜，味道係正常，但最最最最最接受唔到係兩樣都係凍嘅，唔係同我講呢兩款都係凍食嚟啩🤬，啲炸扁肉唔知係咪凍咗所以好油😣，而黃金磚其實即係煎釀三寶啲炸魚肉豆腐。你如果想早啲收市做晚市，咪唔好做下午茶囉，而唔係敷衍一早整哂啲嘢，有人叫就凍冰冰咁拎出嚟俾人食。呢個係間餐廳有無誠意嘅問題，你食物可以唔好味，因為味道係主觀，但如果食物係凍，就點都唔會好食😵👎🏿。另外，兩
三Set點心同小食好快就上菜，一個木盤盛有三個小碗，造型係幾精美嘅✨，但基本上六款點心/小食，無一款係好食嘅(真係一款都無)，四款點心要咗杞子白米糕、莆田糯米丸、酥香黃金磚同酥炸莆田扁肉，頭兩款應該係甜嘅❓，但個白米糕根本唔係糕而係一個又凍又乾又細個又扁又完全無味嘅包😑，而糯米丸就係兩粒炸芝麻湯圓配啲花生碎，亦同好味拉唔上關係。至於後兩款酥炸乜乜，味道係正常，但最最最最最接受唔到係兩樣都係凍嘅，唔係同我講呢兩款都係凍食嚟啩🤬，啲炸扁肉唔知係咪凍咗所以好油😣，而黃金磚其實即係煎釀三寶啲炸魚肉豆腐。你如果想早啲收市做晚市，咪唔好做下午茶囉，而唔係敷衍一早整哂啲嘢，有人叫就凍冰冰咁拎出嚟俾人食。呢個係間餐廳有無誠意嘅問題，你食物可以唔好味，因為味道係主觀，但如果食物係凍，就點都唔會好食😵👎🏿。另外，兩款小菜就要咗水晶豬蹄凍同鹽焗豬肝，前者勁細粒而且一夾就散，豬蹄亦勁少，根本只係食緊啫喱😒；豬肝無食唔comment，但屋企人都話麻麻。小碟嚟講我諗最好食係個糖水囉，紅棗雪耳，清清哋甜甜哋，但得2啖🤷🏿♀️。
58 瀏覽
0 讚好
0 留言
主食都叫咗三款唔同的，主食好過啲小食/點心嘅，因為起碼係熱應該係即整的。第一款係興化炒米粉，味道都正宗嘅，但呢到好孤寒得勁少餸(一隻蝦毛同兩隻蜆仔)炒😩。呢款係福建炒米粉，我自己本身都鐘意食，因為米粉較幼身炒起上嚟又無咁油。
興化炒米粉
49 瀏覽
0 讚好
0 留言
第二款係醬爆肉絲湯麵，個麵係麵線來的，好滑，我幾鐘意👍🏻。本身以為會好濃味，但原來唔係，比想像中好，屬正常水平。
醬爆肉絲湯麵
52 瀏覽
0 讚好
0 留言
第三款係包菜飯，呢款係三款入味最差的，雖然飯係豉油色但無乜味道，而且食嚟食去都係飯，面頭得兩片菜，我以為係素食，食到尾先發現到有一片得肥膏嘅豬腩肉，實在不了😫。
菜包飯
52 瀏覽
0 讚好
0 留言
總括嚟講，今次嘅下午茶經驗真係勁差，食物未到難食但完全唔好食，重點係無誠意，食物係凍㗎😡。而且店員服務亦都唔好，由入座帶位條友掛住接電話唔理我哋，落單條友勁唔醒目，我指住餐牌講要乜都不斷問我究竟要$49/$59，其次又搶住收碗碟，後面不斷吸塵抹嘢，但其實仲有唔少客食緊嘢囉，最後問佢要牙簽又木住面咁拎落嚟。唉，都係果句如果你咁需要預備晚市唔緊要，但唔該唔好做下午茶市，唔好個個掛住趕收工，又覺得我哋好似阻住佢哋咁。唔好忘記呢個時段佢哋都係有收加一的，只係唔收茶錢，同埋原來一開始塞落嚟果碟涼菜雲耳係收錢的，承惠$10😑。我之前都有食過莆田晚市覺得ok，今次先同屋企人嚟食，點知咁失望🙍♂️🙍，唔知係分店定茶市嘅問題啦，要負評。
張貼
