影片
更多
2017-02-06
24372 瀏覽
有時食嘢除左係食個味道之外，其實個氣氛都幾重要，呢間餐廳喺呢度我諗冇10年都有八年，我途中食過大概三次左右，當今次係第四次啦，印象中嘅味道唔係話十分之突出，但係食物款式係比較特別。今日我冇揀到呢度最出名嘅菜式，例如炸豬手或者墨魚麵，反而揀咗啲我之前冇食過嘅餸。包括鴨汁荷葉飯，泰式奶油大蝦，芋頭蟹，花雕醉雞煲，黃金蠔同埋粟米肉粒羹。由最簡單嘅粟米肉粒羹，講起其實味道就冇乜特別，係普通嘅味道，但就偏鹹。泰式奶油大蝦食落去嘅就似泰式紅咖喱味道，唔辣，奶油味重，椰味重，大蝦就應該係用咗大頭蝦。肉質都算爽口，係圓身形嘅大頭蝦。另外配嘅豬仔包，比個主菜更加好味，熱辣辣，外脆內軟，小小汁食更好。呢個芋頭蟹都係時價，問咗係膏蟹，係一隻一隻計，咁我哋呢一隻就有一斤半，價錢係＄550，其實價錢係貴左啲，但係又想試吓芋頭蟹究竟係乜嘢味道。咁佢嘅味道就係鹹芋頭味同埋蠟味比較重，芋頭就已經煮到好軟，如果想搵一件件嘅芋頭來食，你就只有兩三舊。大部份都係芋蓉，一般仲加左啲潤腸同埋臘腸嘅粒粒，所以佢哋嘅味道都比較重。老闆介紹一定要用佢嗰塊脆多士點上黎食，咁樣食落去又唔會制，又食到唒d芋蓉。佢呢個膏蟹嘅膏尚算好多，係硬
今日我冇揀到呢度最出名嘅菜式，例如炸豬手或者墨魚麵，反而揀咗啲我之前冇食過嘅餸。包括鴨汁荷葉飯，泰式奶油大蝦，芋頭蟹，花雕醉雞煲，黃金蠔同埋粟米肉粒羹。
由最簡單嘅粟米肉粒羹，講起其實味道就冇乜特別，係普通嘅味道，但就偏鹹。
泰式奶油大蝦食落去嘅就似泰式紅咖喱味道，唔辣，奶油味重，椰味重，大蝦就應該係用咗大頭蝦。肉質都算爽口，係圓身形嘅大頭蝦。另外配嘅豬仔包，比個主菜更加好味，熱辣辣，外脆內軟，小小汁食更好。
呢個芋頭蟹都係時價，問咗係膏蟹，係一隻一隻計，咁我哋呢一隻就有一斤半，價錢係＄550，其實價錢係貴左啲，但係又想試吓芋頭蟹究竟係乜嘢味道。
咁佢嘅味道就係鹹芋頭味同埋蠟味比較重，芋頭就已經煮到好軟，如果想搵一件件嘅芋頭來食，你就只有兩三舊。大部份都係芋蓉，一般仲加左啲潤腸同埋臘腸嘅粒粒，所以佢哋嘅味道都比較重。
老闆介紹一定要用佢嗰塊脆多士點上黎食，咁樣食落去又唔會制，又食到唒d芋蓉。佢呢個膏蟹嘅膏尚算好多，係硬身的。芋蓉入邊會有好多膏跌左出嚟，所以一定要食埋佢啲芋蓉，唔好浪費。
至於呢個花雕雞，係有半隻雞，不過都幾大隻，另外仲有十幾粒雞子。隻雞已經預先淹左，所以會有淡淡的酒香。佢嘅花雕湯底有好多藥材，如果啱啱開始飲個湯就會覺得只有藥香，唔夠味，唔係咁好，但係當啲雞滾得耐，去到尾聲嘅時候，成個湯就會變到好好飲，飲完就熱辣辣。
佢個鴨汁荷葉飯味道就好似普通蒸飯咁樣，唔太特別。但啲飯就整到好淋，好有荷葉嘅香。
平時食咩就食黃金鮮魷同埋黃金蝦比較多，今次就試吓呢一個黃金蠔。雖然係用普通嘅生蠔，但係炸出嚟外面嘅黃金完全包住左隻生蠔，咬落去又鮮味。另外俾咗生菜你包住嚟食，減輕油嘅感覺，唔會覺得好漏。
我地一路食一路研究緊，究竟呢度點解每一晚都咁多人，究竟係因為買咗廣告呀，定真係咁好食。到最後見到老闆行過嚟同你飲酒，然後又表演跳舞又叫大家一齊影相，好識製造氣氛，種感覺係樂也融融的感覺，同每一枱都甘fd，真係抵老闆賺。
張貼
