Gathering (已結業)

朋友好有誠意咁預早book左依間西餐廳話點都要帶我去食, 講到咁, 去之前就已經好期待。坐朋友車係附近搵左個位泊就行去間餐廳, 我見附近好似無咩食店, 如果唔係朋友帶我真係未必識黎。入到去見到全場爆滿, 唔怪得朋友要book定啦! 最後我地叫左個pizza, 西冷牛扒, 墨魚汁飯, 2個set 就係咁多。好快就上左沙津同湯, 味道唔錯。之後到的pizza 同西冷都好正, 個pizza同西冷的份量都唔細, 其中我最欣賞個牛扒旁邊的薯條!!好脆好香好薯!!!估佢唔到的好食!之後上埋個墨汁飯, 又係我鐘意果隻軟身少少的飯, 唔錯!最後叫左2杯特式飲品就完。好好食, 環境氣氛好好!!