Franape Bar & Restaurant (已結業)

今晚約朋友食飯 ，慶祝相識十週年， 同事推介喺太子嘅呢一間西餐廳 。去到一睇 ，見到裝修相當有特色 ，好有氣氛， 侍應好細心咁樣介紹餐廳有咩好食嘅嘢。 於是乎我就叫咗一份 美國特級肉眼扒配薯蓉 ，小食就叫咗個鴨肶珍寶珠， 再叫咗一杯Edelweiss Draught 花香啤酒 。先嚟一份小食， 份小食真係好特別好特別， 係擺咗好似4枝珍寶珠咁嘅樣，但 其實係一粒粒炸到金黃色嘅波波， 入面係薯蓉同埋鴨肶粒， 仲有少少沙律陪碟， 賣相特別又好味。 不過記住要趁熱食， 因為凍咗可能會唔脆。 跟住呢就嚟杯啤酒， 第一次飲呢啲有花香味嘅啤酒 ，十分特別 ，我見到佢個fdrink list有好多手工啤酒， 樣樣都好特別， 例如話有啲係朱古力味， 蘋果味， 橙味， 真係乜味都有。 可惜酒量欠佳 ，如果唔係真係試曬佢。 跟住就嚟主菜啦， 大大塊肉眼扒， 三成熟 ，而且仲有好多薯蓉喺塊扒下面， 仲有冧酒汁 ，同埋 芥辣。塊扒未食之前聞下佢已經聞到非常之香， 食落口非常之嫩滑， 溝埋冧酒汁 一齊食 ，就可以令到食牛扒嘅時候冇好漏既感覺。 牛扒點芥末都好好食。 不得不提嘅係嗰個薯蓉， 充滿牛油嘅香味，