牛扒先生 (新都會廣場) (已結業)

年廿九，放工同女朋友行下葵芳新都會，基本上間間都超級爆，好多都要等成個鐘。經過Mr.steak 諗番起平時食佢都係食Lunch，但係無食buffet。難得連假緊係食番餐好。美國聖凱倫牧場安格斯牛扒 (5成熟)女朋友一如既往都係揀牛扒，今次5成熟都算合格，食得美國安格斯都係肉味為主，呢塊肉味都幾濃，不過我個人覺得如果食3成可能會更好。海鮮三重奏咁岩年廿八已經係屋企食過牛扒，想試下D新野，揀左海鮮三重奏。隻蝦有驚喜，肉質好實同彈牙，亦有蝦味。魚方面，原本係三文魚，但係咁岩賣哂轉左做爐魚。魚味都濃，但係有個唔好處就係爐相對比較快腥 。(加上冬天)帶子係3樣中相對黎講比較一般，Size有少少太細。