樂天客棧 (已結業)

夜晚好耐冇試過一家人出去食飯啦見今日咁齊人就夜晚去食下中菜啦朋友講呢間餐廳中菜好出名所以一於就嚟試下啦前菜小食 栗子花生花生有淡淡嘅鹵水香味 花生十分大粒 而且煮得比較林 而栗子亦都有少少嘅甜味 一咬落去好鬆軟唔會主動硬掘掘 煮得唔錯 肚餓既我地好快清哂海鮮王炒飯咁多度菜之中我最欣賞就係海鮮王炒飯 炒飯炒得粒粒分明 唔會似炒冷飯咁好濕 飯與飯之間唔會黐埋一齊 唔會軟pat pat 蝦球亦都非常彈牙 而且再加左好多 蟹子落去 而且亦都加入左蛋絲 賣相十分可觀 色香味俱全青芥末蝦球開頭我都擔心呢個菜會唔會好奇怪 但係一上菜嘅時候完全冇令我失望 賣相非常之特別 鬆脆嘅炸蝦球 再配上青芥末汁 另外再配上 微酸 芒果 決明子同埋蟹子 食落感覺非常特別 食落有蝦嘅彈牙同鬆脆 而且亦有生果同埋醬汁的清新 兩種感覺加埋一齊非常特別蒜香排骨呢度菜個賣相普通 但食落去就帶畀我驚喜 開頭睇落去以為會好un好硬 但係其實食落去豬排真係非常林同鬆軟 再加埋一啲炸蒜粒撒係表面 成個排骨係非常之香口三色桂花班蘭糕食完正餐之後梗係食後甜品啦 呢個甜品賣相都幾特別㗎 有椰汁糕 班蘭糕同埋 桂花糕 但係佢個擺法係梅花間竹