樂園魚旦專家 (電氣道)

營業中

休息中

北角電氣道食店林立，試左新開嘅粉麪店「樂園魚蛋專家」由於新店開張，店舖特別光猛，以新派粉麵店為藍本，裝修得很骨子，時代感十足。鳳城水餃、魚片頭河 $37自家出品水餃大大隻，漲卜卜，好吸引！一咬落去餡bid 曬出嚟，有蝦、荀、木耳絲，最正系蝦夠大隻又彈牙，質素吾錯。魚片頭爽口彈牙，魚味足，唯一缺點就係湯底淡口左啲。金牌牛三寶麵 $48一碗麵有齊牛魔王的要求，牛腩、牛根、牛磅和牛肚，夫復何求！牛根炆軟淋中帶小小咬口，膠質十足，我至愛。牛什夠淋入味，滷水香料突出；配粗面底，男仔友都話份量岩岩好。以套餐價點左飲品凍好立克$8熱檸蜜$11