101臺灣品味館 (已結業)

今次係晚市嘅時間嚟食呢間餐廳嘅,因為放咗工已經好攰喇，所以就亂咁就行入左間餐廳，所以就中咗伏啦。我同朋友分別叫左炸雞肉燥飯，同埋炸雞肉燥面，其實炸雞嘅份量同埋味道呢係OK嘅，而面呢亦都唔算難食，我同我朋友另外在叫咗一碟炸花枝丸share，味道都係中規中矩啦冇咩特別但令人最嬲嘅就係，我嗰日叫咗一杯珍珠奶茶啦，杯珍珠奶茶冇茶味之餘，仲甜到真係飲唔落口，於是我就好聲好氣叫啲職員同我加少少茶，諗住可以變返冇咁甜，雖然佢哋最後肯換俾我啦，但就以唔友善嘅態度「提醒」我下次要叫少甜，擺明就係佢杯野過甜啦！！！我就真係唔會再幫襯呢間野啦