一葉小廚 (已結業)

星期六下晝遇啱落大雨，冇咩心機出去搵食，於是嚟咗屋企附近嘅一間台式餐廳食午餐。大角咀一向食肆多，要立足都唔係易事，一葉勝在價錢唔貴而且水準平穩。就算係星期六嘅下晝都唔使等太耐位，今次叫咗兩個餐，分別係煎蓮藕餅同埋高雄蔥香肉排，兩個餐都跟免費嘅蜂蜜紅茶。個人比較推薦肉排，煎得夠香亦夠熱，亦都夠鬆化，而蓮藕餅雖然香口，但係就比較油。午市套餐可以選擇肉燥飯或者菜飯，肉燥香口，送飯一流。另外侍應係百忙之中亦保持基本禮貌，係同價位嘅餐廳來講算係少有。