影片
更多
2024-07-22
415 瀏覽
小編今日同細佬去咗黃埔打保齡球，順便喺附近食午餐，細佬想食燒肉，見到呢間Yakiniku Kakura有提供午餐套餐，包括前菜、飲品同埋甜品，就嚟試下。黑毛和牛大判燒拼US牛板腱肉黑毛和牛大判燒就係呢間餐廳供應嘅鹿兒島A4級別嘅和牛西冷肉，我哋叫咗五分熟，由店員幫我哋燒烤。唔好小睇一塊和牛，份量十足，剪開一半，每個人都仲有一塊手掌咁大嘅肉食。黑毛和牛西冷油脂好豐富，味道甜美，油脂入口即溶，一點都唔膻唔油膩，剛剛好。肉質柔軟，咬開唔費一點力，沾上溫泉蛋蛋液，更加順滑。US牛板腱肉正常水平，牛板腱肉有一條透明嘅嫩筋，肉質較緊實，鍾意食有嚼勁嘅人會鍾意呢款肉。美國穀飼牛盛合除咗有牛板腱肉之外，仲有腹前小排，兩款牛肉都醃過，調味適中，腹前小排肉質軟嫩，富含油脂，食落口感幼嫩，唔錯。我哋加咗牛舌同埋黑毛豚脛肉呢度嘅牛舌發揮正常，食落爽口，但係比平時厚身，同樣大塊，超抵食。黑毛豚脛肉呢款肉係今日嘅MVP，甚至比牛肉更好食👍👍，小編平時更鍾意食牛肉，好少食豬肉，但呢款黑毛豚脛肉就係豬頸肉，好新鮮，肉質係豬肉中較鮮嫩嘅部位，入面夾雜適量嘅油花，口感爽口幼滑，豬肉嘅肉香濃郁，豐腴多汁，但一點都唔腥臭，加
黑毛和牛大判燒拼US牛板腱肉
黑毛和牛大判燒就係呢間餐廳供應嘅鹿兒島A4級別嘅和牛西冷肉，我哋叫咗五分熟，由店員幫我哋燒烤。唔好小睇一塊和牛，份量十足，剪開一半，每個人都仲有一塊手掌咁大嘅肉食。黑毛和牛西冷油脂好豐富，味道甜美，油脂入口即溶，一點都唔膻唔油膩，剛剛好。肉質柔軟，咬開唔費一點力，沾上溫泉蛋蛋液，更加順滑。
US牛板腱肉
正常水平，牛板腱肉有一條透明嘅嫩筋，肉質較緊實，鍾意食有嚼勁嘅人會鍾意呢款肉。
美國穀飼牛盛合
除咗有牛板腱肉之外，仲有腹前小排，兩款牛肉都醃過，調味適中，腹前小排肉質軟嫩，富含油脂，食落口感幼嫩，唔錯。
我哋加咗牛舌同埋黑毛豚脛肉
呢度嘅牛舌發揮正常，食落爽口，但係比平時厚身，同樣大塊，超抵食。
黑毛豚脛肉
呢款肉係今日嘅MVP，甚至比牛肉更好食👍👍，小編平時更鍾意食牛肉，好少食豬肉，但呢款黑毛豚脛肉就係豬頸肉，好新鮮，肉質係豬肉中較鮮嫩嘅部位，入面夾雜適量嘅油花，口感爽口幼滑，豬肉嘅肉香濃郁，豐腴多汁，但一點都唔腥臭，加少少檸檬汁，檸檬嘅酸味更加突顯豚脛肉嘅甜味，真係超好食，係小編食過最好食嘅豬頸肉💯💯。
前菜嘅麵豉湯同沙律菜，正常水平，甜品反而令小編有驚喜，杏仁豆腐花配牛奶雪米糍。杏仁豆腐花超滑嫩，入口即溶，連唔鍾意食杏仁嘅細佬都食晒。
整體嚟講，呢間餐廳無論係牛肉定豬肉，食物質素極高，特別係黑毛豚脛肉真係值得一試，一定要再嚟一次。
#黃埔美食 #黃埔 #燒肉 #日本燒肉 #yakiniku kakura #foodie #hkfoodie #香港必食 #香港美食 #香港網紅打卡 #香港美食探店 #moodzfoodie #moodzfoodz
黑毛豚脛肉
14 瀏覽
0 讚好
0 留言
張貼
