Steak Bar (已結業)

一直好想試下銅鑼灣間Steak bar ，終於有機會試到！今次分別試咗《板腱牛扒定食》同《石燒薄切牛肉定食》！《板腱牛扒定食》牛扒厚薄適中，叫左7成熟，火候剛好，咬落去啖啖肉、夾雜住美味肉汁😋仲一啲都唔肥！《石燒薄切牛肉定食》薄切牛肉每塊厚薄均勻，而且唔肥，即燒即食超香口😍！重點係自己燒都幾好玩！😂所有定食仲包埋一碗珍珠飯、前菜同沙律！珍珠飯粒粒分明，上面灑上了芝麻紫菜，齋食都已經好好味！前菜係豆腐、豆腐上面有芝麻醬、味道清清地咁！沙律菜新鮮、酸酸地好開胃。當日餐廳做緊優惠，叫指定飲品仲送雞翼或薯條！見咁抵我地都叫左兩杯野飲！雞翼同薯條都炸得剛好！值得一試！