影片
更多
2015-10-14
3654 瀏覽
晌香港食上海菜嘅餐廳多的是，不過，如果約朋友食飯，我會偏向揀啲食過嘅，因為質素大概知喺點，穩陣啲。其實，今次舊同學嘅飯局，地點都喺大家拋啲建議出嚟，選好嗰兩三間都訂位已滿，淨番walk-in位，唔穩陣，搏唔過。突然想起尖沙咀嘅上海婆婆336，好彩仲有位，不過周六要分時段，我哋又無乜所謂嘅。都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。 四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。 魚籽煙燻蛋 $18 / 隻 專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又
都成年無嚟過，依家少咗自由行，遊客區嘅生意可能差咗，但今晚周六所見，就算唔十足，都九乘幾滿。所以，話分兩輪，由於下一輪都唔喺多人得咁緊要，都由得我哋繼續坐 。
除咗小弟，原來當中都有舊同學嚟過，所以，大家都建議咗一啲心水菜式，再加啲炒飯、甜品，就已經OK。
四小拼（脆鱔、烤麩、小排骨、肴肉）$102 喺小弟山嘅心水推介嘅冷盤前菜，一來可以一次高試到多款冷盤，二來脆鱔真喺好特別。賣相樣衰嘅脆鱔入口脆卜卜，酸香開胃；小排骨如平常食到嘅糖醋骨，肉質倒算做得鬆化；烤麩軟綿而吸滿醬汁，食落煙韌咬口；肴肉晶瑩的骰，口感爽滑。
四小拼（脆鱔、烤麩、小排骨、肴肉）
$102
179 瀏覽
1 讚好
0 留言
專登點嚟推介比舊同學試試，因為真喺做得有水準及心思，金黃蛋黃半凝半黏，蛋香濃郁而溏心效果突出，蛋白爽口彈彈，蛋黃濃香而略帶煙燻味，賣相吸引，食味又好。
魚籽煙燻蛋
$54
169 瀏覽
2 讚好
0 留言
舊同學嘅指定美食，一客有3隻，當然要叫多籠先夠分。酥餅面面沾滿芝麻，入口自然酥脆之外，就多添一份芝麻香味，而內裡填滿蘿蔔絲，絲絲清甜。
蘿蔔絲酥餅
$42
130 瀏覽
1 讚好
0 留言
砂鍋雲吞雞 $176 一窩例牌份量啱啱好夠我哋7個人飲，仲人人有滿滿嘅一碗。雞湯底色澤清澈，味道香濃清潤，歸根究底都喺啲金華火腿起作用。有雞、有雲吞食，又有湯飲，好滿意嘅一道湯水 。
砂鍋雲吞雞
$176
153 瀏覽
2 讚好
0 留言
松仁糯香牛肉粒 $86 個人而言，依道牛肉粒喺是晚驚喜，唔喺話佢好食到飛起，而喺個配搭上估唔到又幾得喎。牛肉粒一貫滬式炒法，比較醬濃味香，特色在於加入松子仜及上海年糕粒同炒，惹味之上，多咗唔同嘅口感 。
松仁糯香牛肉粒
$86
140 瀏覽
1 讚好
0 留言
因為松子黃魚賣相吸引，往往都引到客人點選，同學就喺依點建議叫咗一客。黃魚嘅鎅花如以往唔算好分明，但淋上橙紅嘅甜酸茨汁，其實已經好吸晴，而且，外酥肉嫩，茨汁甜酸恰到好處，整體而言，已收貨。
松子黃魚
$172
141 瀏覽
1 讚好
0 留言
蔬菜類菜式都喺由同學揀，揀嚟一道乾煸四季豆，亦喺小弟心水。四季豆乾煸得夠乾身，但仍有份爽口感，少少肉末、芹粒，口感豐富咗又惹味。
乾煸四季豆
$68
119 瀏覽
2 讚好
0 留言
今次無叫個麵，一心介紹依個得色炒飯俾同學試試。以蝦仁、牛展粒、鹹蛋黃跟飯粒同炒， 特別在又加入咗黃薑粉，所以，既好食又有少少食療之效，飯粒炒得分明，的確鹹香可口。
黃金炒飯
$76
124 瀏覽
1 讚好
0 留言
雖然喺老式嘅上海甜點，但同學喜愛豆沙，況且，一客切成8小件，又確喺方便人多分嚐。餅皮炸得金黃，入口香脆唔油，內裡填滿豆沙，清甜好味。
豆沙窩餅
$45
122 瀏覽
1 讚好
0 留言
一客4個，個個近乎拳頭咁上下大，粉糰做得漲卜卜，入口非常軟熟，內裡夾雜香蕉與豆沙，香蕉較少，豆沙就落得無手軟，綿滑滋味。
香蕉高力豆沙
$45
117 瀏覽
1 讚好
0 留言
黃金南瓜餅 $40 同樣一客4件， 南瓜餅炸得金黃，色澤均勻，入口軟綿煙糯有咬口，最欣賞喺唔黏牙，淡淡南瓜味，襯清甜豆沙，掂！
黃金南瓜餅
$40
129 瀏覽
2 讚好
0 留言
茶錢$6位，連加一，埋單每人$160左右，食咗咁多嘢，都算合理，難得一班舊同學仔都一致讚好，安排唔錯。
張貼
