影片
更多
2019-04-15
649 瀏覽
潮濕天氣頭重重，諗起老人家話有利頭痛嘅天麻魚頭湯，唔想自己花功夫煲，朋友推薦去觀塘順德公漁村河鮮酒家，仲有泊車優惠。 環境舒適不嘈吵， 雖然我哋坐四人枱，枱面好大勝在傾計唔洗講到好大聲，食飯傾計都好舒服。打開餐牌好多嘢都想食，今日嚟主要為咗天麻魚頭湯所以揀咗個2人餐， 套餐已預設菜式，唔洗諗。入座至點菜已經感到熱情嘅招待，待應極細心服務值得讚賞，茶壺無水很快來加水，八卦的我們環顧環境， 侍應會上前查問是否需要啲咩☺🥢蟲草花天麻燉大魚頭湯先上碟勁有心思嘅辣椒薑絲豉油，接著熱湯送到，再捧上一碟勁足料湯渣， 入面有煲至接近融化嘅魚雲、軟腍雞腳， 碗湯無肥油浮面，未飲已經聞到充滿藥材香氣，色澤濃、味道更感鮮甜。沒有苦澀的味道，趁熱一碗接一碗，每人分到兩碗多啲啲。🥢太子成名脆皮咕嚕肉這個菜式是我們最沒有期待 ， 但令我們最意外的一味餸 ，咕嚕肉外皮超酥脆，脆得有如薯片一樣(誇張了點吧)肉質鬆嫩，用上甜美新鮮菠蘿，醬汁仲有小小拉絲感，酸甜味令胃口倍增。🥢瓦撐煎焗啜魚嘴聽到老遠傳來煲仔嘅啫啫聲，眼球不禁追著被捧住走的黑色煲仔，呢度習慣分好份量才上枱，打開煲蓋香味直撲鼻，待應一邊拌著的啫啫聲和香氣忍唔
環境舒適不嘈吵， 雖然我哋坐四人枱，枱面好大勝在傾計唔洗講到好大聲，食飯傾計都好舒服。
打開餐牌好多嘢都想食，今日嚟主要為咗天麻魚頭湯所以揀咗個2人餐， 套餐已預設菜式，唔洗諗。
入座至點菜已經感到熱情嘅招待，待應極細心服務值得讚賞，茶壺無水很快來加水，八卦的我們環顧環境， 侍應會上前查問是否需要啲咩☺
🥢蟲草花天麻燉大魚頭湯
先上碟勁有心思嘅辣椒薑絲豉油，接著熱湯送到，
再捧上一碟勁足料湯渣，
入面有煲至接近融化嘅魚雲、軟腍雞腳，
碗湯無肥油浮面，未飲已經聞到充滿藥材香氣，色澤濃、味道更感鮮甜。沒有苦澀的味道，趁熱一碗接一碗，每人分到兩碗多啲啲。
🥢太子成名脆皮咕嚕肉
這個菜式是我們最沒有期待 ， 但令我們最意外的一味餸 ，咕嚕肉外皮超酥脆，脆得有如薯片一樣(誇張了點吧)肉質鬆嫩，用上甜美新鮮菠蘿，醬汁仲有小小拉絲感，酸甜味令胃口倍增。
🥢瓦撐煎焗啜魚嘴
聽到老遠傳來煲仔嘅啫啫聲，眼球不禁追著被捧住走的黑色煲仔，呢度習慣分好份量才上枱，打開煲蓋香味直撲鼻，待應一邊拌著的啫啫聲和香氣忍唔住要畀相機先食，啱曬好奇嘅我又想偷睇吓。整個碟子咁大嘅魚頭盡顯師傅嘅功架。
魚頭極惹味 煎得脆口，每一啖都滑脫脫，我除了不放過薑葱就連骨頭我也啜得津津有味，不支持淡水魚嘅朋友都舉起手指公話無腥味，而且一直低頭密密努力食。
🥢籠仔梅菜蒸菜遠
用大籠荷葉墊底蒸， 菜心滿佈整齊排列籠子中，面層鋪著爆香過嘅甜口爽梅菜， 梅菜表面雖然反曬光但冇肥膩感，菜心軟腍且清脆嫩綠，每一條菜都有梅菜嘅香味。兩樣不起眼的食材配出觸動味蕾的組合，就是順德菜的精髓所在。
朋友果然係好介紹嘅順德菜。
星期六日嚟食飯記得訂座喔。
食飽離座先見到獲獎無數，所以食物在水準之上，食到我哋耳仔郁郁啦!
張貼
