素食園坊

營業中

休息中

就咁睇唔知食緊素，好似中式小菜咁跟小菜會送指定中湯，呢個素湯超甜，有好多煲到淋晒既豆，原來無肉既湯都可以咁好味！沙爹芥蘭炒素牛肉 ＄63素牛肉都好惹味不過超油，唔算健康！xo 醬爆炒四季豆粉絲蝦丸煲 ＄65用靚粉絲，不過煮過頭，底下果d 粉絲發大晒。蝦丸爽口，有少少蒟蒻既口感，又彈牙。四季豆食得出本身來貨靚，又嫩又新鮮，超甜！茄子走過油，令到d色靚d, 長度襯番d 四季豆，吸埋 xo 醬，惹味！黑松露醬炒飯 ＄58夠大蝶，有獲氣，炒到d飯粒粒分明，亦有黑松露味！店內裝修平易近人，光猛整潔。以前叫 聰嫂素食 果時都間中有幫襯，今再黎食，水準依然。