I'm Nuts (已結業)

經過灣仔的話，我經常會去汕頭街搵食，而這天去罷書展後再往此街，被這間名叫作I'm Nuts的cafe的名字吸引，便入去一試。有點肚餓，叫了一個德州辣肉醬漢堡包同Flat white，跟set的話會有一個湯。先來一個蕃茄湯，頗濃，酸酸地令人胃口大增。等了一會，漢堡來了。賣相唔錯，個漢堡扒幾厚身，雖然沒有爆汁，但亦不會乾身。加上芝士及超微辣的辣肉醬及鬆軟的包，配埋薯角吃，又唔錯喎。Flat White不及同街另一間咖啡店，相對較淡口，但平衡方面也有中上水平。其實此街合共有三間咖啡店，競爭好大。另外兩間各有優勢，但此店勝在平均，食物唔會像其店名一般神神化化，反而幾有水準。