翡翠拉麵小籠包

營業中

休息中

今日同朋友去開將軍澳，咁岩我想食上海菜，而翡翠拉麵小籠包又少有地冇人排隊，於是我地就入左去食。講開我都應該有一年冇食過翡翠拉麵小籠包，咁當然要叫佢個小籠包啦，而我印象中炸醬拉麵幾好食，而我又手頭緊下就叫左（麵類最平），而我朋友就因為天氣凍想食辣的情況下叫左個水煮牛肉拉麵。結果係我地兩個都唔係好滿意，覺得水準差左。首先，炸醬拉麵太濕身，而且冇乜味，一開始我以為只係拉麵索唔到啲醬，但當我只係食醬的時候都食唔到咩味就知道係真係冇咩味，拉麵麵質對我泥講亦太淋。至於水煮牛肉拉麵就完全唔夠辣，但佢話牛肉係唔差的。我地兩個對小籠包係滿意的，覺得keep到水準，個皮薄，湯汁濃，仍然係我食過最好食的速鎖店小籠包。