金鳳茶餐廳

營業中

休息中

因為幾年前食過金鳳茶餐廳，當時好好食，所以今日經過見有位就入去再緬懷一下。我叫咗一個特價午餐，其實成個餐牌得一個午餐選擇，價錢方面係$51。菠蘿包同火腿奄列味道OK，火腿份量好足。不過好可惜，雪菜肉絲米粉我會俾唔合格，因為個米粉同個湯底都係冇味，係冇味，放喺表面嘅雪菜肉絲係凍的，所以食咗幾啖就冇食。最後叫咗一個熱奶茶，仍然保持到水準，好香好滑，好有茶味。因為懷着當年好好味嘅心情去，去嘅時候滿懷希望，所以今次嘅食後感係有啲失望。