中華小廚 (已結業)

昨晚同女友提議不如試下呢間中華小廚，因為成日經過，終於入去試到啦！我地叫左兩味餸-叉燒拼貴妃雞同豉汁蒸鱔，首先講講個燒味雙拼，呢味忘記左影相所以冇圖可參考，賣相普通因為淋左太多燒臘汁上去，貴妃雞不錯，口感滑溜又有雞味，但叉燒就相對麻麻地，有啲燒過左隆，肉質太老，唔知係一時失手定一向係咁，至於個豉汁蒸鱔就更加唔推介食，因為第一唔夠熱，第二鱔肉唔新鮮，仲要有少少腥味，豉汁亦唔夠香口，呢個真係扣晒分，同埋佢平均價錢都要$80左右一個小菜，如果以咁既質素黎計，市面上好多茶餐廳既小菜套餐都抵食又好食過佢，所以呢間翻食指數係極之低，不喜勿插，純粹個人意見！