Oppa Chicken

營業中

休息中

難得最後一日正式上堂，梗係同同學一齊食返啲好嘢慶祝，終於唔使食canteen頹飯！我哋叫foodpanda外賣要加$20運費，今次叫外賣嘅體驗比較差，外賣員送錯去第二度地方，唔係太溝通得到，最後遲咗十幾分鐘先送到嚟。石鍋拌飯$68- 我平時好鍾意食石鍋拌飯，呢度嘅拌飯材料都幾豐富，有翠玉瓜、紅蘿蔔絲、煎蛋、牛肉碎、紫菜等等。辣椒醬好香，用嚟拌飯一流，如果怕辣嘅話就續啲續啲加醬，唔好一次過落晒。雖然外賣冇咗石鍋熱辣辣嘅感覺，但係味道都係差唔多，所以都幾推介！韓國牛肉飯$68- 同學們叫呢個牛肉飯食，望落去比較清淡，同埋有好多汁，令到白飯都浸濕晒，感覺麻麻地。不過份量就好足夠。