大快活 (鯉魚門廣場)

營業中

休息中

星期六，遲咗起身，又好肚餓，所以便落樓下搵食，路過大快活見唔使等位，所以就同屋企人在此食個午飯。三個人叫了三款飯，價錢唔算平，份量算足，但味道只屬一般，不過但求填飽個肚，就冇乜所謂啦！！四寶飯有叉燒、紅腸、豉油雞同咸蛋等，向來大快活嘅燒味飯算係最可靠，今次都唔例外，叉燒腍，雞肉滑，略嫌整體味道偏鹹，淡番少少會更佳。咖哩牛腩飯，咖哩汁味道太鹹兼油膩，牛腩質感嚡口，整體味道嘛嘛。東瀛燒雞扒拼醬燒黑豚肉飯，雞扒煎得較乾，冇肉汁，唔嫩滑，豬扒偏肥，所以肉質尚算軟腍，但醬汁偏鹹，味道一般。