影片
更多
2011-03-17
163 瀏覽
十多年前，這一片土地還未有大角咀市政大廈，當時的大牌檔完全是香港風味，既平又正，但環境真係唔係人人接受到。當年我仲係窮學生，中午時間間中同同學黎一次大魚大肉，好不快活。之後畢業出黎做野，由窮學生升呢做窮小子，同當時的女友黎呢度晚飯，雖然搵錢唔多，但時日也是快樂的。如果我無記錯名，當年的大牌檔，等於今天的新錦園。今天同友人來到大角咀，想不到有甚麼好吃，腦海靈光一閃，想到這裡的大牌檔。搬左上樓，地方大左，但面目全非。我還記得當年一碟炒豆苗，大碟到暈，兩個人叫兩碟餸，都唔會食得晒。今天，這裡依舊嘈吵，但不要緊，大牌檔就是要這樣才好玩，不過傾計就要大聲ｄ了。唔駛講野，先來一枝啤酒，但最近對酒類興趣大減，是因為囡兒的出世嗎？我諗係因為自己睡眠質素轉差有關吧，哈哈。先來一碟西檸雞，大大碟，熱辣辣。檸檬汁酸味恰到好處，炸粉不太厚，但略嫌雞肉薄而削，但質素還是很不錯。豉椒炒蜆是看到隔離檯吃得異常過癮而叫的，蜆仔唔細隻，夠鑊氣，炒得隻隻開口，殼與肉比例相若，無偷工減料俾番堆殼你，但始終還有少少沙。椒鹽鮮魷最出色，椒鹽味夠，鮮魷新鮮，炸粉唔厚，份量大碟，配齊准鹽喼汁，我應該是吃得最多，哈哈。蒜蓉炒菜心一條
當年我仲係窮學生，中午時間間中同同學黎一次大魚大肉，好不快活。
之後畢業出黎做野，由窮學生升呢做窮小子，同當時的女友黎呢度晚飯，雖然搵錢唔多，但時日也是快樂的。
如果我無記錯名，當年的大牌檔，等於今天的新錦園。今天同友人來到大角咀，想不到有甚麼好吃，腦海靈光一閃，想到這裡的大牌檔。
搬左上樓，地方大左，但面目全非。我還記得當年一碟炒豆苗，大碟到暈，兩個人叫兩碟餸，都唔會食得晒。今天，這裡依舊嘈吵，但不要緊，大牌檔就是要這樣才好玩，不過傾計就要大聲ｄ了。唔駛講野，先來一枝啤酒，但最近對酒類興趣大減，是因為囡兒的出世嗎？我諗係因為自己睡眠質素轉差有關吧，哈哈。
先來一碟西檸雞，大大碟，熱辣辣。檸檬汁酸味恰到好處，炸粉不太厚，但略嫌雞肉薄而削，但質素還是很不錯。
豉椒炒蜆是看到隔離檯吃得異常過癮而叫的，蜆仔唔細隻，夠鑊氣，炒得隻隻開口，殼與肉比例相若，無偷工減料俾番堆殼你，但始終還有少少沙。
椒鹽鮮魷最出色，椒鹽味夠，鮮魷新鮮，炸粉唔厚，份量大碟，配齊准鹽喼汁，我應該是吃得最多，哈哈。
蒜蓉炒菜心一條條上，雖然放係碟個樣三尖八角，但炒得不老，也唔會太難咬，以現今大部份地方黎比較也算大碟了。江山依舊，人面全非，以前的窮小子現在未敢說是有所成，但暫時還搵到餐糊口。再過多十年，希望香港還能保留一些大牌檔特色吧，我一定會帶我個囡去見識一下的。
張貼
