牡蠣不如帰

營業中

休息中

今日同朋友去銅鑼灣行街，簡簡單單食個拉麵，見評價幾好，難怪平日既晚上都滿座。首先點左個極旨螃蟹套餐，螃蟹湯拉麵同黃金蟹肉餃子。餃子裡面除左蟹肉仲有豚肉，餃子皮薄餡靚，咬落有口感，拉麵湯底由清雞湯同大量原隻三星蟹蒸焗秘製蟹湯，再配以活紅蟹煉製蟹油、慢煮叉燒、火箭菜、檸檬酸奶油同埋蟹肉醬，每樣味道分明有層次，無格格不入既感覺；另外牡蠣鹽味拉麵，雖然無原隻牡蠣，但係吃到蠔味鮮味十足，兩個湯底不一樣風味。拉麵係蕎麥麵質，煮得唔會過淋，整體來說係高質。另外仲叫左個小食，一口芝士豚脆，豚肉配流心芝士，擺盆精美，仲好好食，用左日本直送麵包糠煮炸，炸得好脆又唔會過火，推介！吃了濃味食物再飲清清甜甜有氣梳打最好不過，我和朋友分別點了信州巨峰梳打同完熟白桃梳打，兩款都不錯，有果味之餘不帶藥水味。