炑八韓烤 (歐亞銀行大廈) (已結業)

今日食我至愛嘅韓燒心情都靚啲！最近減肥日日清淡，終於等於一個月先得一日嘅cheat day，要食番夠本🤤一坐低就叫最有份量嘅如虎添翼燒肉套餐💕包括有蔥蒜牛五花、牛小排，牛舌、 和牛肩肉。 烤復活LA骨，大蝦🍤，芝士生蠔🦪燒酒煮蜆。等肉肉嗰陣可以食住小餐前菜先，呢度小餐都好多款，有芽菜、泡菜、海帶、蘿蔔同沙律🥗，而且可以無限refill㗎，我吃定勁多菜打底先食肉自然無咁肥啦！肉肉用牛型板上枱，每款有三片，大蝦就有兩隻，蝦如其名果然夠大隻，食起嚟特別有滿足感🤤牛肩肉同牛小排食落好嫩滑，而且有陣陣油花香，用嚟包生菜夾多兩塊泡菜落去可以中和油膩感，仲勁好味😋爽口彈牙嘅牛舌同埋牛五花又有另一番風味！最好味一定係L A排骨，本身已經醃過調好味，燒完就直接食，油花同埋肉味有一個好好嘅平衡，口感嫩嫩的，滋味滿分💯鍾意點芝士醬嘅仲可以點側邊爐邊芝士一齊食，邪惡滿分但係口感超滿足啊！