影片
更多
2017-07-27
436 瀏覽
係呢頭返工返左咁耐日子，好明白係永吉街開食肆實在唔容易，雖然午間時段全店滿座仲要大排長龍，但晚市的確唔容易捱！但必須要強調，生意難做還難做，食物味道還味道，絕對是兩回事！如果因為成本關係，要犧牲食物味道，是不能接受的！！！今次冇影食物相，因為食物味道普通到一個點，接近難食嘅邊緣！先講頭盤嘅青木瓜沙律，其實係一味泰式沙律，竟然係標榜越式的小店「小河內」出現，真係笑大人個口！越式沙律應該係「牙車快」，唔係用青木瓜做底，而係用白椰菜到底。Any肥，呢個錯配嘅沙律要有嘅材料全部齊全：青木瓜絲、青瓜絲、紅蘿蔔絲、花生碎，全部都有，但一啲都唔爽脆而且帶韌，就算食材本來幾咁新鮮，依家口感上都好似變成唔夠新鮮的感覺了！點解嘅？點解嘅？會唔會係一早做定呢？就算係，都係無可厚非嘅 ... ... 但唔通一早落埋青檸魚露汁呢？咁樣會造成蔬菜脫水變韌喎！同時，沙律上枱時處於室溫，而沒有半點chill的感覺，是很失敗的！！！然後到香茅燒雞撈檬。逐個詞語解說返，首先係香茅 ... 香茅味一啲都唔香！然後呢燒雞，雞肉口感好鬆散腍到一個點，完全沒有咬口，可能雪藏雞，落醃料就煮熟，唔似用心處理過！最後係檬粉，口感死死實
今次冇影食物相，因為食物味道普通到一個點，接近難食嘅邊緣！先講頭盤嘅青木瓜沙律，其實係一味泰式沙律，竟然係標榜越式的小店「小河內」出現，真係笑大人個口！越式沙律應該係「牙車快」，唔係用青木瓜做底，而係用白椰菜到底。Any肥，呢個錯配嘅沙律要有嘅材料全部齊全：青木瓜絲、青瓜絲、紅蘿蔔絲、花生碎，全部都有，但一啲都唔爽脆而且帶韌，就算食材本來幾咁新鮮，依家口感上都好似變成唔夠新鮮的感覺了！點解嘅？點解嘅？會唔會係一早做定呢？就算係，都係無可厚非嘅 ... ... 但唔通一早落埋青檸魚露汁呢？咁樣會造成蔬菜脫水變韌喎！同時，沙律上枱時處於室溫，而沒有半點chill的感覺，是很失敗的！！！
然後到香茅燒雞撈檬。逐個詞語解說返，首先係香茅 ... 香茅味一啲都唔香！然後呢燒雞，雞肉口感好鬆散腍到一個點，完全沒有咬口，可能雪藏雞，落醃料就煮熟，唔似用心處理過！最後係檬粉，口感死死實實，完全沒有那份應有的鬆軟微彈嘅咬口！最後嘅最後，就係嗰支青檸魚露汁，我真係未食過一間越南店，呢個汁可以去到咁淡，唯一值得嘉許嘅係，呢個汁終於完全符合低鈉健康原則嘞喂！
其餘嘅食物，我已經完全無晒心機會去試第二次。真係要講一句：拜拜你條尾！最後嘅最後嘅最後，講到服務，幾位大媽侍應嘅服務水平真係麻木到一個點 ... ... 你哋咁唔願意做，不如唔好做，轉工把啦，塊面黑到咁為乜啫？
張貼
