沙嗲王 (已結業)

今日唔想食飯，口淡淡無咩胃口咁，想食D重口味嘅，咁就約阿媽去沙嗲王食野啦，嚟到果時撞正系食飯時候，好多人排隊，好食嘅嘢當然多人食喇，都唔算等太耐，大概20分鐘啦。嚟呢度梗系要點沙嗲米線啦，我仲加多左個溏心蛋，溏心蛋搭配湯粉類感覺好正，一來嚟就聞到陣陣沙嗲嘅香味啦，試一啖個湯，簡直妙不可言啊，好正宗，睇下就知呢個粉足料啦，有肉丸有肉，好鮮味。點左個炸雞亦，感覺一般，無咩特別好食，同其他店一樣，有D油。芒果炒飯，比較驚艷，顔值都好高，水果炒飯比較新奇，但搭配起嚟又真系感覺幾好食，芒果帶住水果嘅清甜，炒飯又炒得比較好，粒粒分明，加埋蔬菜粒同芒果粒，咸甜一齊食，感覺好奇妙，但又覺得好好食，值得一試。