權記雲吞麵

營業中

休息中

果日中午行到身水身汗。撘正12點正午，想食個輕鬆得嚟又飽肚既餐。最緊要係手機又無咩電，銀包又咩錢。諗住揾銀行㩒錢定咬個麵包就算之際，呢個真係嚟得及時。估唔到係貴族地區都會有平民野食。而且作為港島心臟地帶，佢完美詮釋左香港既精神：好.很快。拿拿聲食完再拿拿聲趕番去開工。話咁易就攝到位入去坐。就係傳統既雲吞鋪感覺—簡陋得嚟順眼，油淋淋得嚟又唔覺好污糟。係西環開左地鐵之後都未試過係港島食雲吞麵，梗係叫佢啦。細蓉配牛丸，無錢都仲可以懶豪氣咁嚟份雙併。但再望住個銀包，再望望枝玻璃樽裝快樂水，睇嚟今日同佢就唔多夠緣份喇…極速做好。雲吞唔細，不過用既係細🍤，但勝在數量撘夠。而牛丸就不過不失，呢個價位可以接受。加埋醋嚟食，夫復何求。等位快，上菜快，價位適中。推！